شعر مبتلي بك

مبتلي بك

كيف ماتبغيني بس ازعل عليك

الا بزعل واقلب الدنيا عليك

هالدقيقة الحين اما انك تجيني

او قسم بالله بخربها واجيك

كيفك اتصرف ابا اشوفك تعال

بحضنك بتنفسك بلمس يديك

عاد انا دقت في راسي اني اشوفك

بلتقيك الحين يعني بلتقيك

حس فيني مابقت فيني مشاعر

حس فيني الله يرحم والديك

لو تبيني ارتجيك او اتوسل

والله بتوسلك و الله برتجيك

ماشي ياعمي انا ارجوووك تكفى

كان لي عندك قدر قول احتريك

باي طريقه الحين انا ودي اشوفك

مابقى فيني صبر افهم ابيك

كيف ابصبر وانت في كل الزوايا

وين ما اطالع خيالي بس فيك

من هنا وهناك وفي كل الاماكن

نعنبوك القلب ذايب مهتويك

وانته تتغلا وتشكي لي ظروفك

حتى انا عندي ظروف الله يهديك

يامعيشني مابين اصبر ويمكن

وانته تدري مالك بقلبي شريك

يارجاي وسوء ظني واعتقادي

لاتردني عاد دامي مشتريك

مبتلي بك ادري اني مبتلي بك

وادعي الله مثلي انه يبتليك

لا تعتذر غير مقبول اعتذارك

بلتقيك الحين يعني بلتقيك

ياتجيني الحين دامه باختيارك

او قسم بالله بخربها واجيك

وسسلآمتكم
الشاعر طارق المحياس


[/center]

رووعة تسلمين حبيبتي

مو أروووع منك غلآتي
يسلمك ربي من كل شر
نوورتي

مشاء الله موضوعك موحلو مرة يعني














امززح معاكي موضوعك في غاية الروعة